Ég er læknir sem kláraði grunnnám í skurðlækningum en skipti yfir í lýðheilsuvísindi og lauk doktorsnámi í þeim fræðum. Ástríða mín liggur í forvörnum og að finna náttúrulegar leiðir til að lifa okkar besta lífi full af lífsorku. Því stunda ég nú nám í taugavísindum við King’s College London og rótarlækningar við SAFM. 

Samhliða því starfa ég sem læknir hjá HÚÐIN skin clinic í Reykjavík, þar sem lögð er áhersla á heildræna nálgun að húðheilsu. SÁÁ á líka part af huga mínum og sinni ég hlutastarfi á Vogi. 

Síðustu 10 árin hef ég tekið þátt í fræðslu- og forvarnarstarfi, meðal annars með skrifum á Vísindavefnum og í fjölmiðlum. Þá hef ég haldið fyrirlestra víða um land. 

Stærsta starfið er líklega móðurhlutverkið sem hefur kennt mér einna mest á lífið.