Þetta sykurlausa og glúteinlausa bananabrauð slær alltaf í gegn um helgar. Dásamlegt ylvolgt með smjöri. Athugið að þrátt fyrir að það sé enginn viðbættur sykur geta bananar og döðlur hækkað blóðsykurinn. 

Undirbúningstími um 10 mín, bökunartími 35-40 mín. Samtals 45-50 mín. 

• ½ – 1  bolli jurtamjólk (ég nota t.d. frá Sprout, því hún hefur fá aukefni)
• 2 msk hnetusmjör að eigin vaili
• 4 stórar eða 6 litlar mjúkar döðlur 
• 2 msk chia fræ
• 2 stórir eða 3 litlir vel þroskaðir bananar
• 1 ½ bolli glúteinlaust mjöl (ég nota oft kjúklingabaunamjöl)
• ½ bolli möndlumjöl
• 1 tsk lyftiduft
• 1 tsk kanill
• ½ tsk vanilluduft
• Salt á hnífsoddi
• 1-2 lófafyllir af vel söxuðum valhnetum  + 2 msk til skreytingar

Hitið ofn í 180°C. Setið í blandara mjólk (byrja á hálfum bolla og bæta við ef þurrt), döðlur og hnetusmjör og blandið vel saman þar til silkimjúkt. Bætið síðan chia fræjum og leyfið þeim að liggja í bleyti á meðan restin er kláruð. 

Stappið banana á disk og setjið til hliðar. 

Bætið þurru innihaldsefnunum í stóra skál og blandið vökvanum úr blandaranum saman við. Bætið bönunum og valhnetum út í og hrærið þar til allt vel blandað saman. 

Setjið deigið í brauðform og skreytið með grófsöxuðum valhnetum. 

Bakið í u.þ.b. 40-50 mínútur. Viðarprik ætti að koma hreint út eftir að því er stungið í miðju brauðsins. 

Kælið áður en þið takið brauðið úr forminu. 

Njótið vel!