Ilminn sem leggur af pönnukökubakstri tengir ég við góða tilfinningu, enda ósjaldan sem þær hafa verið bornar á borð hjá ömmu og mömmu. Hér er ein ljúffeng uppskrift án mjólkurvara og glúteins. Á þessu heimili hafa verið gerðar margar tilraunir til að finna hina fullkomnu samsetningu fyrir heimilismenn sem eru með ýmisskonar mataróþol. Ég tel mig nú vera komin með hina fullkomnu uppskrift, enda finnst hörðustu pönnukökuaðdáendum þessi ekkert síðri en þessar klassísku. Fátt er betra að gæða sér á nýbökuðum pönnukökum og heitu kakói eftir útivist, eða bara hvenær sem er því þessar eru með meira af eggjum en hefðbundnar.  

• 3 egg
• 2 dl kókosmjólk úr dós (hægt að frysta afganginn)
• 1 1/2 dl hrísmjólk
• 3 dl glúteinlaust hveiti
• 1/4 tsk salt
• 1/2 tsk vanilluduft/-dropar
• 3 msk kókosolía, brædd í vatnsbaði eða örbylgju

Aðferð:  

1. Setjið egg og mjólk í skál, hrærið vel saman.  
2. Bætið hveiti við í litlum skömmtum, hrærið jafnt þar til deigið er orðið þétt og kekkjalaust
3. Að lokum er salt, vanilla og kókosolía hrærð út í
4. Bakið á venjulegri pönnukökupönnu
5. Brúnum sykri stráð á pönnukökuna og henni rúllað upp – eða sulta og rjómi ef vill