Þetta sykurlausa og glúteinlausa bananabrauð slær alltaf í gegn um helgar. Dásamlegt ylvolgt með smjöri. 

Undirbúningstími um 10 mín, bökunartími 35-40 mín. Samtals 45-50 mín. 

• 1 ½ bolli lífrænt kínóa mjöl (eða annað)
• ½ bolli möndlu mjöl
• 1 tsk lyftiduft
• 1 tsk matarsódi
• 1 tsk kanill
• ½ tsk vanilluduft
• Salt á hnífsoddi
• ½ – 1  bolli jurtamjólk, t.d. Haframjólk
• 2 msk hnetusmjör að eigin vaili
• 4 stórar eða 6 litlar mjúkar döðlur 
• 2 msk chia fræ
• 2 stórir eða 3 litlir ofþroskaðir bananar + 1 til skreytingar
• 1-2 lófafyllir af söxuðum valhnetum  + 2 msk til skreytingar

Hitið ofn í 180°C. Setið í blandara mjólk (byrja á hálfum bolla og bæta við ef þurrt), döðlur og hnetusmjör og blandið vel saman þangað til silkimjúkt. Bætið síðan chia fræjum og leyfið þeim að liggja í bleyti á meðan þú klárar restina. 

Stappið banana á disk og setjið til hliðar. Bætið þurru innihaldsefnunum í stóra glerskál og blandið vökvanum úr blandaranum við. Bætið bönunum og valhnetum og hrærið þangað til er allt vel blandað saman. Setjið deigið í brauðform og skreytið með þverskornum banana og grófsöxuðum valhnetum. Bakið í 40-50 mínútur þangað til viðarprik kemur hreint út eftir að því er stungið í miðju brauðsins. 

Kælið áður en þið takið brauðið úr forminu og njótið.